… و لا يهمك ..!!
……………………………..
.. إذا عدى عليك القطر ..
ما وقفشى ..
و إيه يعنى ..!!
.. و لو عدى سريع جدا
و لا هداش
.. و لا يهمك ..!!
لا يمكن يستمر الحال ..!!
.. و مين إللى اشترى راحته
من البقال ..؟!..
و مين يقدر
.. يشيل وجعه
و لو حمال ..؟!
.. و مين يا مصر
.. لو .. رجع الزمن تانى .. و ..
( دا أمر محال )
.. ح يقدر يفردك سلعة
.. على الرصفان ..؟!
و كل عيالك الواقفين
.. فى ميادينك ..
.. محبينك ..
و من طينك
.. عيدانهم طالت السموات ..
و شاريين الحياة بالدم
عاشقين سيرة الأموات
.. معاهدينك
.. على فرحة
.. على رقصة ..
على جثث إللى سافحينك ..
و عاشوا مطلعين دينك
.. و آآآهـ .. يا .. مصر ..
.. يا موجوعة ..
.. آآآهاااتك .. بتوجعنا وجع ..
.. يوجع قلوب كل المداوية ..!!
فيا مذكورة
فى الكتب السماوية
.. بلاش تبقى ( بكا .. مبدور )
فى مواويل المواوية
و قومى اتوضى
من عرق إللى زارع رجله
.. فى ترابك
و صلى سنتين الفجر ..
صلى ع النبى ف قلبك كدا
.. و اهدى بقى شوية
…..
و إيه يعنى سنة غبرة ..؟!
.. و لو سنتين
و لو عدت علينا سنين ..
و ما طرح الشجر ثمرة
لا بد ح تكمل الثورة
ح نعمل
.. من عرقنا سيل ..
.. و ممكن نزرعك شهداء
.. بطول النيل ..!!
و لازم تكمل الثورة ..!!
و إيه طول التاريخ يا مصر
.. غير عرق الرجال
.. زانك ..؟!..
و إيه غير دمنا ع الأرض
.. كان بيهد أحزانك ..؟!
فما يهمكش
تاجر خاب فى تقييمك
و لا بياع تراب عايش
.. حياته يغش
.. ميزانك ..!!
.. فـ والله الذى خلقك
.. عشان تحيى
ح تنتصرى
و من وسط العيال السمر
.. ح تلاقى فى يوم قرب
.. حبيب قلبك ..
.. و وزانك ..
**********************************
أنا قلبي عيل زهد في الدنيا .. يعني مالوش ..
و لما قال : يا هوى .. حب اللي ما استاهلوش
راجع يقف ع البيبان يبكي و يندم ليه ..؟!..
و هي دي .. آخرة اللي أمه ما ربتهوش ..!!..
********************************
شفتك الدنيا و ما فيها
لما كنت ف يوم صغيرك
لسة فاكر من يوميها
كنت حالمك حلم غيرك
*****************
فيه أمن قومي و قلب مليان خوف
قلقان في نومه و همه مدد الشوف
اصح يا صاحي ان صح صحيانك
طمن فؤاد عيل يتيم مشعوف ..
يجب عليك تسجيل الدخول لاضافة تعليق.