محمد طاهر برعى يكتب : قصائد قصيرة

بنتقابل ف نفس الضل تسوق الخطوه احلامنا فتمنعنا مسافة خوف وع المكشوف اشوفك بعض من بعضى م نا نفس اللى كان نفسه يدوس ع الحزن ويفرح لما ضحكتها تخطى جسر دمعتها فتلمسنى بدون رغبه حاجات من حقى اعرفها فمتخبيش عليا الضى

+++++++++++

وطن القيامه المطر لميلى بسلة خوف م نا لسه برسم وجع يعفينى من كدبك وخرافة الحواديت

+++++++++++++

حاجات بتلم فينا الخوف فيتكسر بكانا لحد ومش بالحد لو عديت م ياما النور منعنا بجد

++++++++++++++++

لون / لمونى ودورى ف عشقك المكتوم ..

الم واضح .. ونتصالح .. وبين ضل السكون والهجر .. وبين همس السما والفجر .. براح مقصود .. يا ساجد ساعة الغيبه سواد الليل ميمنعش .. وصول كشفك ومهما تعد . ف وصالك واوصالك وجعها البوح بنستنى الندى يصفى ويوم م تنام ف ليل يصحى بنهدى صفحة امبارح .. الم واضح . وبعد الغفله . نتمنى نعيش تانى ونتصالح ..

+++++++++ طارح من شباكك فجر بيتصلى ويتصالح.. ونومة العصر بعد الحلم.. وامبارح .. كابوس مزعج .. وحيط ف الشارع الواقف .. * منيش انت ومهما تكن اوصالك.. ف سكة خوف.. اصوم منك ولو مره .. وساعة الليل م يتودود معاك للصبح بنتونس .. لحد اللوحه.. م تغطى.. حكاية زهد..