سميرة سعيد فى حوار صريح جدا مع "مصر المحروسة .نت"  : الرجل بيعمل حساب للمراة القوية وأديني سيبته وشوفت اهو محصلش حاجة

  احب الاختلاف والتجديد وابحث عن الشباب و "يوم ورا يوم"

0 187
حوار ياسمين كفافى 
  • والوضع فعلا مختلفش في أي حاجة

         باكل واضحك بشتغل واعمل كل حاجة    

          لأ لأ مش زعلانة وكئيبة

 مقطع من كلمات اغنية محصلش حاجة للفنانه سميرة سعيد .. تعودت على مفاجأة جمهورها بكلمات صادمة .. ولا تريد ان تسير فى المألوف من الاغانى والالحان منذ ظهورها فى الحياة الفنية  …

“مصر المحروسة . نت ” حاورت سميرة سعيد بعد ان اعلنت ان حفلها القادم فى حديقة الازهر9  مارس القادم احتفالا باليوم العالمى للمرأة

  • “مصر المحروسة . نت “: هل الكلمات الغريبه فى اغانيك مقصوده كى تصطدمى الجمهور بها والاتخافى من ردود الافعال ؟

ضحكت وهى تدندن بمقطع اغنيتها :
بالعكس حتى انا حاسة مرتاحة وسعيدة
مطلعش انها حاجة وحشة اعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة
 –          ثم اجابت على سؤالنا بقولها : احب الاختلاف والتجديد دائما.. ولااحب القالب الواحد للشغل.. وده من بداياتي.. دايما بدور على الأفكار الجديدة في طرح الكلام والالحان واشكال التوزيع حتى طريقة الأداء.
وتمتمت مقطع اخر من الاغنية :
انا عارفة انه زمانه ماشي يقول عليا
انا واحدة شريرة وقوية ومفترية
شايفين يا ناس الست دي عملت ايه فيا
كدبك سامعاه من وانا بعيدة

  • مصر المحروسة . نت ” :: كيف تتعرفين على الملحنين والمولفين  الجدد وخاصة الشباب  خاصه ان بعض من تعاملت معهم  وجوه جديدة تماما  ؟!

: عن طريق مكتبي الإعلامي او عن طريق  اصدقاء مشتركين  بتوصلنى الكلمات او الالحان او حتى الأغانى كاملة
نظرت الى زيها واستعرضت فى ذهنى  الازياء التى تظهر بها فى اغانيها وسألتها : هل يرعاك بيت ازياء معين ام تتعاملين بالصدفة  مع من تريدين ؟
نظرت الى فستانها قائلة :
-تقريبا تعاملت مع اهم مصممين أزياء فى  الوطن العربي.. حتى الشبان منهم وأي حاجة حلوة بشوفها وبتليق عليا بأعتمدها لكن  م   فيش واحد معين اتعامل معه دائما
وغنت المقطع الآخير من اغنيتها محصلش حاجة:
بالعكس حتى انا حاسة مرتاحة وسعيدة
مطلعش انها حاجة وحشة اعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة
   قلت : اصبحت الاعلانات مهمة للنجوم المحليين والعالميين و رفضتى الاعلانات لكن الامر اختلف فى الاعلانات الخيرية مثل اعلان مستشف ىسرطان الأطفال؟!
قالت : عجبتني القضية الخاصة بالإعلان ده وخصوصا انه معنى  بسرطان الأطفال ومعاناتهم.. والاغنية والكليب اتعملوا بطريقة حلوة بتدي امل لاي طفل بيشوفه…. القضايا الانسانية بتاخد حيز كبير من اهتمامي. ولا يمكن رفض المشاركة في مشروع كهذا.
قلت : هل سنستمع مره اخرى لدويتو مع مطرب عالمى  أوعربى؟
قالت : بعد تقديم دويتو زي يوم ورا يوم.. يجب ان اشتغل على تقديم دويتو بنفس المستوى على الأقل او اعلى.. وحتى الآن لا يوجد شيء متاح. لكن الفكرة طبعا موجودة.
وتمتمت :
مقدرش أنكر اني 
لسه في جزء فيا
بيقولي طب كنتي استنيتي عليه شوية
متمثليش انك عايشة طبيعي وعادية
متمثليش انك سليمة
  قلت : هل تعرفى ان اغانيك feminist  وتمس المرأه المستقله جدا فهل كنتى تقصدين ذلك وتشعرين به ؟!
قالت : تعمدت اظهار المراة القوية منذ بداياتي لاننى لا احب الانكسار للمرأة او مظاهر الضعف و لو لاحظتى كل اغنياتي  تجدين فيها قوة مع رومانسية وحب لكن في كلا الحالتين المرأة فى موقف قوي.

  • هل هذه المرأة التى تغنين لها وعنها تشبهك ؟!

قالت نعم . .. تشدنى وتجدذبنى اليها لانها تشبهنى كثيرا
وغنت :

مش
 ماسكة صورته و
بتقهر زي العبيطة
ولا ماشية وبخبط دماغي في كل حيطة
مبردش عاللي يقولي كلمة جت
 بسيطة
بعدك مش متصنف مصيبة

  •   هل تعاتب سميرة سعيد الرجل فى حياتها باغانيها ام انها مجرد اغانى؟!

قالت : انا اقدم حالات مختلفة.. خلال مسيرتي قدمت أغاني عن الحب، الفراق، الملل، الخيانة… ومشاعر كتيرة مختلفة.. واستحالة  طبعا ان اكون مررت بكل هذه التجارب و هذه الحالات…  لكن اعرف اعبر عنها بشكل جيد وصادق.

  • سميره سعيد غير مرتبطه ….فهل المراه القويه يخشاها الرجل؟!

عموما الرجل بشكل عام بيعمل حساب للمراة القوية والمستقلة. ولكن دي بترجع للبيئة والمجتمع اللى عايشين فيها
تمتمت باغنيتها :
اسلوب كلامي طب
يعي هيحير شوية
انا قاسية ولا ده كله من كتر القسية
لو حد عايز يعرف من فينا الضحية
يسأل عن مواقفنا القديمة

  •  قلت :  ما هو الجديد لديك ؟

قالت : انا بصدد تحضير البومي الجديد وابحث  عن اشكال جديدة ومختلفة وبالطبع سوف اقدم حاجة مختلفة عن البوم عايزة أعيش.. خصوصا بعد نجاحه
الكبير.

 تجربة التمثيل مخاطرة و بعيدة شوية

  •  لماذا لم تفكر ي فيخوض تجربة التمثيل ؟

التمثيل له أدوات خاصة فيه.. وانا امتلك ادواتي في الغنا جيد جدا.. وتجربة التمثيل مخاطرة وافتكر الخطوة دى الآن بقت  بعيدة شوية.
ما رأيك في اغاني المهرجانات … وهل أفاد الانترنت الموسيقى والاغاني أم اضر بها ؟
طبعا الانترنت وعالم  الديجيتال بشكل عام أضر صناعة الموسيقى في العالم كله. فنحن في مرحلة انتقالية من سوق لسوق تاني، و لسه لم ياخد شكله النهائي.. ومع السنوات القادم  افتكر الموضوع ده سيكون له  حلول والصناعة ح تبقى  شكل تاني. …زي حقوق الديجيتال دلوقتي  واليوتيوب والايتيونز.

 ناس بتحبني من مختلف الاعمار

  •  ما تفسيرك لاستمرارك بنجاح على الساحة كل هذه السنوات ؟

حاولت فى كل مرحلة من مراحل حياتى  استقطاب شريحة جديدة من المستمعين مع مواكبة للعصر ومحاولة تقديم موسيقى تتناسب مع أفكار الجيل اللى  انا فيه ، وافتكر ده السبب الرئيسي  لاستمرار نجاحى ن، لدي  دائما ناس بتحبني من مختلف الاعمار،  وكل فئة منهم بتحبني فى مرحلة مختلفة من حياتهم.

  •  هل هناك اغنية ندمتي على عدم غنائها ؟

لا اندم بشكل عام.. انا راضية عن كل مسيرتي الفنية. ومقتنعة باختياراتي.

سوق الانترنت و اليوتيوب والدجيتل . …عالم جديد لم تيضح بعد

  •  ما تفسيرك لانتشار بعض الاغاني على اليوتيوب وتحقق نسب مشاهدة عالية؟

زي ما قلتلك قبل موضوع اليوتيوب وانتشار الأغاني والمشاهدات سوق جديد بياخد شكله دلوقتي والصورة حتظهر اكتر  مع الوقت. اهم حاجة جودة المنتج وقد ايه حيعيش.

هناك مواهب جيدة لكن فرص الإنتاج صعبة.

 ما رأيك في مستوى مهرجان القاهرة للموسبقى العربية ؟…وهل تراجعت  المواهب  فى  الساحة الغنائية ؟ 
هناك مواهب جيدة جدا.. لكن فرص الإنتاج هي  اللى صعبة.
 ما رأيك في برامج اكتشاف المواهب الغنائية ؟
هي فرصة كويسة للظهور للمواهب. ولكن استمرار هذه المواهب والإنتاج لها وتقديمها بصورة مختلفة هو الأهم.
 
 

%d مدونون معجبون بهذه: